जिल्ला वन क्षेत्र समन्वय समिति, मोरङद्वारा अनुगमन कार्य

डिभिजन वन कार्यालय, मोरङ

मानव वन्यजन्तु द्वन्द्व न्यूनीकरण कार्यक्रम

स्वागत तथा फेरी भेटौला कार्यक्रम

स्वागत तथा फेरी भेटौला कार्यक्रम

Previous Next

कार्यालयको बारेमा

संघीय लोकतान्त्रिक गणतन्त्रात्मक मुलुक नेपालका सात वटा प्रदेशहरूमध्ये पूर्वी क्षेत्रमा रहेको  कोशी प्रदेशको ऐतिहासिक गौरव बोकेको, जनसंख्याको दृष्टिकोणले नेपालको दोश्रो ठूलो जिल्ला मोरङ्ग प्राचिन कालमा राजा विराटको राजधानीको रुपमा प्रख्यात थियो । कालान्तरमा यस जिल्लामा हाङ्ग नामक किराती राजाले राज्य संचालन गर्दाताका यहाको प्रशासन क्षेत्रलाई मावरङ्ग भन्ने चलन थियो । पछि सोही मावरङ्ग भन्ने शब्द नै अपभ्रंस भई मोरङ्ग भन्न थालिएको हो । अधिकांश भू–भाग तराइले ओगटेको यो जिल्ला कोशी प्रदेश कै औद्योगिक एवं व्यापारीक केन्द्रको रूपमा परिचित छ । कोशी प्रदेशको राजधानी विराटनगर समेत रहेको यस जिल्ला यस प्रदेशकै विकसित जिल्लाको रूपमा रहेको छ । संघीय राजधानी काठमाण्डौबाट पूर्व ५०६ किमी दूरीमा यस विराटनगर रहेको छ । प्रारम्भमा मोरङ् जिल्ला भन्नाले झापा तथा सुनसरी जिल्ला समेत ओगट्थ्यो । २०१९ सालको जिल्ला विभाजन हुँदा हालको स्वरूपमा जिल्लाको आकार बन्न गएको हो । मोरङ जिल्लाको क्षेत्रफल १,८५५ वर्ग किलोमिटर छ । यो पूर्वमा झापा र पूर्वोत्तरमा यो इलामसँग जोडिएको छ भने उत्तरमा धनकुटा, पाँचथर र पश्चिममा सुनसरी तथा दक्षिणमा भारतको बिहारसँग यसको सीमाना रहेको छ । वि।सं। २०६८ मा यस जिल्लाको जनसङ्ख्या ९,६५,३७० थियो ।

महाभारतकालीन विराट राजाको दरवार, राजारानी धिमाल पोखरी, गोविन्दपुरको सुनवर्षि पोखरी लगायत डाईनियाको हरिश्चन्द्र गढी आदि जस्ता ऐतिहासिक स्थलहरू रहेको मोरंग जिल्ला धार्मिक तथा पर्यटकीय दृष्टिकाणले पनि महत्वपूर्ण रहेको छ । सांस्कृतिक रूपले समेत यो जिल्ला समृद्ध छ । बहुजाती बहुभाषीले सजिएको नेपालको पूर्वी तराईमा पर्ने यो जिल्ला प्राचिनकालमा बिराट राजाको राजधानीको र मध्यकालमा लिम्बुवानको सबैभन्दा प्रचण्ड राज्यको रूपमा प्रख्यात थियो । विभिन्न जात जातिको बसोबास भएकोले आ–आफ्नै भेषभुषा तथा रहन सहन र संस्कृति यहां देख्न सकिन्छ । कृषि उत्पादनका लागी उर्वर भूमी भएको हुनाले अन्य जिल्लाबाट बसाई सरी आउने संख्या दिनानुदिन बढी रहेको छ । मोरङ जिल्लाको आकृति उत्तर दक्षिण लम्बाईमा झण्डै बर्गाकार आकारको छ ।...